1ܦܵܘܠܘܣ؛ ܪܹܓܹܗ ܕܐܲܠܗܵܐ؛ ܘܫܠܝܼܚܹܗ ܕܝܼܫܘܿܥ ܡܫܝܼܚܵܐ؛ ܒܗܲܝܡܵܢܘܼܬܵܐ ܕܓܘܼܒ̈ܝܹ̈ܐ ܕܐܲܠܵܗܵܐ ܘܝܕܹܥܬܵܐ ܕܣܲܪܲܣܬܘܼܬܵܐ ܕܒܕܸܚܠܲܬ ܐܲܠܵܗܵܐ؛ 2ܥܲܠ ܣܲܒܼܪܵܐ ܕܚܲܝܹ̈ܐ ܕܠܐܵܒܲܕ؛ ܕܩܘܼܘܸܠܹܐ ܐܲܠܵܗܵܐ؛ ܕܠܹܐ ܕܵܓܸܠ؛ ܩܵܕ݇ܡ ܙܲܒܼܢܹ̈ܐ ܕܥܵܠܡܵܐ؛ 3ܘܓܸܠܝܵܠܹܐ ܗܹܡܸܙܡܵܢܹܗ ܒܙܲܒܼܢܘܼܗ̇ ܒܝܼܸܕ ܟܵܪܘܿܙܘܼܬܲܢ؛ ܗ̇ܝ ܕܦܸܫܠܵܗ̇ ܣܘܼܦܝܼܬܵܐ ܒܝܼܝܼ؛ ܒܦܘܼܩܕܵܢܵܐ ܕܐܲܠܵܗܵܐ ܦܵܪܘܿܩܲܢ؛ 4ܠܛܸܛܘܿܣ؛ ܒܪܘܼܢܵܐ ܫܲܪܝܼܪܵܐ ܒܗܲܝܡܵܢܘܼܬܵܐ ܕܝܼܠܵܗ ܕܟܠܵܝܗܝ؛ ܫܵܦܵܩܲܬ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܲܢ؛ ܘܡܵܪܲܢ ܝܼܫܘܿܥ ܡܫܝܼܚܵܐ ܦܵܪܘܿܩܲܢ. 5ܣܵܒܵܒ ܕܐܵܗܵܐ ܩܲܡ ܫܵܒܼܩܸܢܘܼܟܼ ܓܵܘ ܩܪܹܛܹܐ؛ ܕܐܵܢܝܼ ܡܸܢܕܝܼܵܢܹ̈ܐ ܕܝܼܢܵܐ ܚܣܝܼܪܹ̈ܐ ܬܵܪܨܸܬ ܠܗ݇ܘܿܢ؛ ܘܡܲܩܸܡܸܬ ܩܲܫܝܼܫܹ̈ܐ ܓܵܘ ܟܠ ܡܕܝܼܢ݇ܬܵܐ؛ ܕܵܐܟܼܝܼ ܕܩܲܡ ܦܵܩܕܸܢܘܼܟܼ؛ 6ܐܸܢ ܐ݇ܢܵܫܵܐ ܕܠܵܐ ܡܘܼܡܵܐ ܝܠܹܗ؛ ܓܲܒܼܪܵܐ ܕܚܕܵܐ ܒܲܟܼܬܵܐ؛ ܘܐܝܼܬ ܠܹܗ ܝܵܠܹ̈ܕَܐ ܡܗܘܼܡܢܹ̈ܐ ܕܠܹܐ ܝܢܵܐ ܒܠܵܘܡܵܐ ܕܐܵܣܘܿܛܘܼܬܵܐ ܝܲܢ ܕܥܵܨܝܼܘܼܬܵܐ. 7ܣܵܒܵܒ ܘܵܓ̰ܸܒ ܝܼܠܵܗ̇ ܠܐܲܦܸܣܩܘܿܦܵܐ ܕܗܵܘܹܐ ܕܠܵܐ ܡܘܼܡܵܐ؛ ܐܲܝܟܼ ܢܵܙܝܼܪ ܕܐܲܠܵܗܵܐ؛ ܘܠܵܐ ܠܘܼܒܠܵܐ ܒܚܝܼܵܠ ܕܓܵܢܹܗ؛ ܘܠܵܐ ܚܸܡܬܵܢܵܐ؛ ܘܠܵܐ ܐܵܙܵܠ݇ܢܵܐ ܒܵܬ݇ܪ ܚܲܡܪܵܐ؛ ܘܠܵܐ ܡܵܚܝܵܢܵܐ؛ ܘܠܵܐ ܡܲܚܸܒܵܢܵܐ ܕܩܢܵܝܬܵܐ ܟ̰ܲܦܵܠ؛ 8ܐܸܠܵܐ ܡܲܚܸܒܵܢܵܐ ܕܢܘܼܟܼܪ̈ܵܝܹܐ؛ ܘܡܲܚܸܒܵܢܵܐ ܕܛܵܒܼܵܬܹ̈ܐ؛ ܨܵܠܝܼܠܵܐ؛ ܘܙܲܕܝܼܩܵܐ؛ ܘܕܸܟܼܝܵܐ؛ ܘܕܒܼܝܼܩܘܼܗ̇ ܓܵܢܹܗ ܡ̣ܢ ܫܲܗ݇ܘܲܬܵܝܵܬܹ̈ܐ؛ 9ܘܒܸܕܒܼܵܩܵܐ ܠܗܹܡܸܙܡܵܢ ܡܗܘܼܡܸܢܬܵܐ ܕܐܲܝܟܼ ܡܵܠܲܦܬܵܐ؛ ܕܡܵܨܹܐ ܐܘܼܦ ܠܝܼܵܗ݇ܒܼܵܐ ܠܸܒܵܐ ܒܝܘܼܠܦܵܢܹܗ ܨܵܚ؛ ܘܠܡܲܢܟܼܘܼܣܹܐ ܠܐܵܢܝܼ ܕܡܲܩܪܸܨܝܼ. 10ܣܵܒܵܒ ܐܝܼܬ ܪܵܒܵܐ ܥܵܨ̈ܝܼܹܐ؛ ܗܲܡܙܸܡܵܢܹ̈ܐ ܒܵܛܝܼ̈ܠܹܐ ܘܡܲܚܠܸܛܵܢܹ̈ܐ؛ ܒܘܼܫ ܙܵܘܕܵܐ ܐܵܢܝܼ ܕܡ̣ܢ ܓܙܘܼܪܬܵܐ؛ 11ܐܵܢܝܼ ܕܘܵܓ̰ܸܒ ܝܼܠܵܗ̇ ܠܸܥܟ̰ܵܡܵܐ ܦܘܼܡܵܝ؛ ܐܵܢܝܼ ܕܒܵܬܹ̈ܐ ܬܲܡܵܡ ܟܹܐ ܬܵܠܚܝܼ؛ ܘܟܹܐ ܡܵܠܦܝܼ ܡܸܢܕܝܼ ܕܠܹܐ ܝܠܹܗ ܘܵܓ̰ܸܒ؛ ܒܚܵܬܸܪ ܕܩܢܵܝܬܵܐ ܟ̰ܲܦܵܠ. 12ܐ݇ܡܸܪܹܐ ܐ݇ܢܵܫܵܐ ܡܸܢܵܝܗܝ؛ ܢܒܼܝܼܵܐ ܕܓܵܢܵܝ؛ ܕܒܢܲܝ̈ ܩܪܹܛܹܐ ܒܟܠ ܙܲܒܼܢܵܐ ܕܘܼܓܠܵܢܹ̈ܐ ܝܢܵܐ؛ ܗܲܝܘܵܢܹ̈ܐ ܒܝܼܫܹ̈ܐ؛ ܟܹܪ̈݇ܣܵܬܹܐ ܒܵܛܝܼܠܹ̈ܐ. 13ܘܫܲܪܝܼܪܬܵܐ ܝَܠܵܗ̇ ܐܵܗܵܐ ܣܵܗܕܘܼܬܵܐ. ܣܵܒܵܒ ܕܐܵܗܵܐ ܗܵܘܸܬ ܡܲܢܟܼܘܼܣܵܝ ܒܩܘܼܝܘܼܬܵܐ؛ ܕܗܵܘܝܼ ܨܵܚ ܒܗܲܝܡܵܢܘܼܬܵܐ؛ 14ܘܠܵܐ ܕܵܪܝܼ ܓܵܢܵܝܗܝ ܠܗܲܩܝܲܬܹ̈ܐ ܕܝܗ݇ܘܼܕܵܝܹ̈ܐ؛ ܘܠܦܘܼܩܕܵܢܹ̈ܐ ܕܒܢܲܝ̈ܢܵܫܵܐ ܕܟܹܐ ܡܲܣܠܝܼ ܣܲܪܲܣܬܘܼܬܵܐ. 15ܟܠ ܡܸܢܕܝܼ ܕܸܟܼܝܵܐ ܝܠܹܗ ܠܕܸܟܼܝܹ̈ܐ؛ ܐܝܼܢܵܐ ܠܟ̰ܲܦܵܠܹ̈ܐ ܘܠܠܵܐ ܗܘܼܡܸܢܹ̈ܐ؛ ܡܸܢܕܝܼ ܕܸܟܼܝܵܐ ܠܲܝܬ ܠܗ݇ܘܿܢ؛ ܐܸܠܵܐ ܟ̰ܲܦܵܠ ܝܼܠܹܗ ܚܝܼܵܠܵܝ ܘܐܸܢܝܲܬܵܝܗܝ. 16ܟܹܐ ܡܵܘܕܝܼ ܕܟܹܐ ܝܲܕܥܝܼ ܠܐܲܠܵܗܵܐ؛ ܐܝܼܢܵܐ ܒܦܘܼܠܚܵܢܵܝ̈ܗܝ ܟܹܐ ܣܵܪܒܼܝܼ ܠܹܗ؛ ܓܘܼܢܓܸܨܹܐ ܝܢܵܐ ܘܕܠܵܐ ܡܲܨܝܲܬܬܵܐ؛ ܘܡܘܼܣܠܝܼܹܐ ܠܟܠ ܦܘܼܠܚܵܢܵܐ ܛܵܒܼܵܐ.